Arantxa Gómez, multipremiada na ‘Gala Ciclismo Galego’

Premiados/as na Gala Ciclismo Galego. Foto: FCG.

✍️ Osdosacho MTB

A deportista rosaleira Arantxa Gómez vén de ser multipremiada na Gala Ciclismo Galego que se celebrou este sábado 24 de febreiro no Auditorio Municipal de Ribadumia (Pontevedra).

Eva Castro (seleccionadora galega de Enduro e DHI), Arantxa, Carol e Vari (presidenta e secretario de OsdoSacho). 📸 Fotocarlosgrafías.

O evento, que serviu para recoñecer os méritos dos corredores/as máis regulares no ranking rexional e nacional do pasado 2023, tamén o fixo, segundo a FCGpara reclamar máis respecto nas estradas aos usuarios da bicicleta. As dúas vítimas da violencia viaria outorgáronselles Mencións Especiais nun acto no que se volveu disparar a emoción ao recordar na súa comarca, a do Salnés, a figura do recentemente falecido Modesto Sánchez“.

Eva Castro, Arantxa Gómez e Vari. 📸 Yaiza Fernández Pérez

Arantxa Gómez foi unha das ciclistas máis destacadas ao conseguir varios títulos en diferentes especialidades: 1ª no Campionato Galego de BTT Enduro e DHI a nivel rexional. Pola súa banda, en canto a nivel nacional, o 3º posto no Campionato de España celebrado en La Palma, 3ª clasificada na Copa de España e en DHI, 2ª na Copa de España, obtendo desta maneira cinco títulos en total.

Con respecto á tempada que comeza como Junior, o domingo 3 de marzo se desprazará á primeira proba clasificatoria para a Copa de España e UCI C3 de BTT Enduro, que se celebra na localidade de Riglos (Huesca). Xa o sábado 23 de marzo disputará a primeira Copa Galicia de DHI en Sarria (Lugo) e o domingo 7 de abirl, nos montes de Moaña, competirá na Copa de España de BTT Enduro, o “Endurrazo”, única proba noctura de España.

Dende aquí, desexarlle moita sorte á nosa crack rosaleira, que conta coa principal colaboración de: #oriolmorata #bikeracingparts #bike_racingparts #indebtedtoheride @evill @gescom @insitu @osdosacho e, como non, de @noticiasorosal @editorialtamuxe.

Deja un comentario

Tu dirección de correo electrónico no será publicada. Los campos obligatorios están marcados con *

Scroll al inicio