✍️📸 César Gómez / FGC
A deportista rosaleira Arantxa Gómez vén de rematar en segunda posición na última cita da Copa de España de Enduro disputada o pasado domingo 4 de xuño. Con esta fantástica segunda praza, Arantxa consegue ser terceira da xeral da Copa na categoría cadete, tras a catalana Marta Perxachs e a aragonesa Candela Ruiz.
E xa case sen descanso, o vindeiro domingo 11 de xuño, a crack do Rosal competirá no Campionato Galego de DH (descenso) en Sarria (Lugo).
Dende Noticias O Rosal – Editorial Tamuxe, a nosa sincera noraboa. Parabéns, Arantxa!