A Festa das Mercedes 2023 celébrase en A Gándara (A Guarda) dende o sábado 2 ao domingo 24 de setembro.
Dende Noticias O Rosal – Editorial Tamuxe e grazas ao convenio que realizamos coa Fábrica de Nikis dende a nosa apertura, temos o pracer de colaborar este ano coa Comisión de Festas co agasallo da camiseta “Licor Café” que ten como protagonista a Astérix saborando a “pócima máxica” e que será sorteada durante os festexos.
O espectáculo da VI Baixada de Carrilanas celebrarase o día 2 a partir das 19:30 horas dende a Praza Avelino Vicente (As de Copas) ata o porto da vila.
Xa o sábado 9 de setembro (16:00 horas) terá lugar a XIV edición do tradicional Torneo da Cachiza.
A carreira popular na honra de Julia Vaquero, actuacións musicais -entre elas a de América– ou mesmo a XXXV Festa da Zorza o venres 22 de setembro, farán a bo seguro, as delicias dos asistentes.