A Comisión de Festas de San Xosé Obreiro, organizadora do Entroido de Novás, vén de anunciar hai uns intres o seu cartel para este ano 2024.
O domingo 11 de febreiro terá lugar a Subida do Maio (16:30 horas). Ademais contará coa actuación da murga Airiños do Cereixo e mesmo haberá hinchable, xogos populares ou aínda chocolate quente e rosca.
O luns 12, tamén ás 16:30 horas, celebrarase a Corrida do Galo para logo dar paso a unha novidade: un touro mecánico.
Xa o martes 13, a partir das 18:00 horas, a tradicional Frixidela con pan de millo e viño para todos. A música estará a cargo do rosaleiro Roberto Caco.
O recinto de festas estará cuberto cunha carpa. Máis info aquí.